Vereedegung vun der Madame Sarah Muller, Attachée am Zenter fir d’Lëtzebuerger Sprooch (ZLS)

De Kulturminister Eric Thill huet den 30. Oktober 2024 d'Madamm Sarah Muller, Attachée am Zenter fir d'Lëtzebuerger Sprooch, vereedegt.

D'Madamm Sarah Muller ass promovéiert Soziolinguistin a bekëmmert sech beim Zenter fir d'Lëtzebuerger Sprooch an der Haaptsaach ëm d'Wanderausstellung „D'Lëtzebuerger Sprooch(en)“, ëm där hir Valorisatioun a Weiderentwécklung. Ausserdeem koordinéiert si eng Offer u Coursen iwwer an ëm d'Lëtzebuergescht an  eng Serie vun ZLS-Radiobäiträg.Si ass och verantwortlech fir d'Betreiung vun de Studenten an de Stagiairen, déi bei den ZLS schaffe kommen.