Den 20. November 2019, huet de François Bausch, Vizepremierminister, Minister fir Mobilitéit an ëffentlech Aarbechten, de Salon vum Smart City Expo World Congress zu Barcelona besicht.
De François Bausch huet déi 11 Aussteller vum Lëtzebuerger Pavillon besicht an huet sech d'Projete méi detailléiert erkläre gelooss. No der Visitt, huet de Minister eng Ried zu der Mobilitéitsstrategie "Modu 2.0." an bedeitenden Investissementer an Infrastrukturen, déi d'Multimodalitéit promouvéiere sollen, gehalen.
Owes huet de François Bausch un enger héichrangeger Plenarsëtzung zum Thema Mobilitéit an de Stied, mam Numm "Cities to Move on: Embracing all forms of Mobility" deelgehol.
"It makes no sense to put regulation in place if you don't have alternatives. We need to change the way we organize cities" sot de François Bausch an senger Interventioun.
Communiqué vum Ministère fir Mobilitéit an ëffentlech Aarbechte